زواج الأنس والجان ( قصيدة خيالية )

كلمات القصيدة للشاعر : نايف عاتق حلبوب أبوطالب

( قصصصصصصصه خياااااااااااااااليه )

بديـت القـات مــن بـعـد العشـيـــــــــة = سرى الليلـة معـي مـن قـات الاعتـان
حوالـي رطـل واثنـى عشـر وقـيــــــة = من قـات الشتـاء مجـرد وعـيــــــــدان

وطـاب الكيـف فــي ليـلـة هنـيــــــــــة = وأنـا ناسـي بـلاء الدنيـاء والاحـــــزان
وفـي الثانيـة عشـر زايــد شـويـــــــــة = سمعت صوت الجرس في البـاب رنـان

فتحـت البـاب وجـدت خلـفـه بنـيـــــــه = فسبحـان الـذي صورالحسـن سبـحـان
وقـلــت اتفـضـلـي أو مستـحـيـــــــــــة = وقـالـت قلـبـك القـاسـي مــا لان

لـهـا قـامـة وصـورة أجنـبـيــــــــــــــة = وشقـراوي شعـرهـا وزرق الاعـيـان
فقلـت أهـلاً يـا ... قـالـت زكـيـــــــــــة = نسيـت أنـي نصيـف الليـل سـهـران

ومــا داعــي توصيـنـي وصـيـــــــــــه = أنـتـي آمـنـه مــن دون آمٌـــان
فقـالـت جـيـت عانـيـه معتـنـيـــــــــــــة = أسلـي خاطـرك لـو كنـت ضبـحـان

وقلـت مــن الــذي دلــك علـيـــــــــــــه = واللـي ارسـلـك لاعـنـدي غلـطـان
وهــل أنـتــي بـنـيـه يافـعـيـة = والا تيمـيـه مــن حـيـد ردفـــان

فقالـت مـن البـكـا عيـنـي عمـيـه = فأرحـم دمـعـة العـاشـق الولـهـان
أرسلـنـي نصيـبـي لــك هـديــة = ومـا جيـت لاهنـا الا ولــي شــان

مــا باجـاوبـك عـلــى البـقـيـة =الا بـعــد مـــا نـتـعـاهـد الان
تعـاهـدنـي عـلــى رب الـبـريـه =يزيلـه مـن يفـك العـهـد أو خــان

وأقسمنـا عـلـى المصـحـف سـويـة =حلـفـت لـهـا وحلٌفتـهـا إيـمــان
وقـلـت ممـكـن بطـاقـة أو هـويـة = وقالـت شوفنـي جنيـه مــن الـجـان

شـعـر راســي تـركـز قابـلـيـه =والقشبـوب سـرد مـن فـوق لمـتـان
وداره الارض بــي مائتـيـن لـيــه =والقلـب أرتجـف والعـقـل حـيـران

مـا صـدقـت والـصـورة رضـيـة = وصــدره مثلـمـا منـجـا ورمــان
وقـلـدت أن لــي نفـسـاً قـويــه = تصـون العهـد لـي بينـنـا الاثـنـان

وقـلـت لــو باتكـونـي يـهـوديـة = أنـا مـا فارقـك يـا قمـري الـبـان
ومـن كثـر الفـرح غـنـت أغنـيـة = وباستنـي وأنــا فــازع وخـجـلان

قـالـت ببـصـر الـدنـيـا دنـيــه = وقـم نرقـص علـى صـوت القمنـدان
لعبـنـا لـعـب ورقـصـه ساحلـيـه = وموطـى رجلهـا مـوطـى لحـيـوان

وحسـيـت ان روحـــي منتـهـيـة = وعقلـي مثلـمـا شــارب وسـكـران
وقالـت سـر مـعـي رحـلـه خفـيـة = ولاتـفـزع نحـنـا وانــت جـيـران

كمـا لمـح البصـر ضعـنـا سـويـه= وحطيـنـا بـشـارع جـنـب دكــان
مديـنـة فــي السيـاحـة عالـمـيـه = أيـش باريـس وواشنـطـن ولبـنـان

حـضـارات المـعـاجـز مختـفـيـة = أقثـوى مـن هـرم فرعـون وهـامـان
قـالـت أرضـكـم عـوجـا عجـيـه = بالله أنظـر ومـيـز بـيـن الاوطــان

أرض الـجـان سـانـيـه مسـتـويـة = مـاهـي مثلـمـا القـاهـر وعــزان
فهـل شـي لـك بـي رغـبـة ونـيـه = تخطبـنـي بــلا قــوة ومـيـثـان

إذا عــاد كــان فـيـك المعـنـويـة=فـهـذا بيتـنـا وهـــذا الـديــوان
وهــذه الجالـسـة أمــي سـنـيـة =خواتي خمـس واثنـى عشـر الاخـوان

وأعـمـامـي ثـلاثــه بلـطـجـيـه=الـمــارد ومـــارودي ومـــردان
وقـلـت أطمئـنـي روحــي ظمـيـه=أشوف المـاء وانـا عاطـش وظميـان

مـن المـاء عـاد نفسـي مـا رويــة=ومن مـاء البشـر مـا زلـت عطشـان
وأبـوهـا جــاء برتـبـة عسكـريـة=وذكرنـي قـيـادات أهــل سنـحـان

أحـدى عشـر طقـم جنـب المدفعـيـة=وعشريـن الحراسـة بالعـمـر شـبـان
وقلـت هــذا رئـيـس الجمهـوريـة=وقالـت ذا أبــي بالجـيـش أركــان

فقلـت فـي نفسـي أتشـجـع شـويـه=أنسـي خلقـتـك والانــس شجـعـان
قــرب نـحـوي وأديــت التحـيـة=تحيـة عسكريـة فـي وسـط مـيـدان

وقـال مــن أي كتيـبـة أو سـريـه=ومـا تخجـل وجالـس جنـب نـسـوان
فجـاوبـتـه بلـهـجـة حـمـيـريـة=أنـا أرض اليمـن مـن نسـل قحطـان

وجنـدي فــي الدفـاعـات الجـويـة=بصحـن الجـن بـوادي أهـل شـبـوان
جيـت أخطـب يــد بنـتـك زكـيـه=انــا معـجـب ي بنـتـك وهيـمـان

قـال أنتـم مــن الطـيـن الحـويـة=ونحـن الجـن مـن نــاراً ودخــان
مـا جـنـي تــزوج فــي أنسـيـة=ولا جنـيـه تــزوج بـهـا أنـسـان

فـهـذه المشكـلـة أكـبـر قـضـيـة=فـي شـرع البشـر أو شـروع الجـان
ورافـض فـي الطلـب ذي قلـت لـيـه=وأخـرج مـن أمامـي قـبـل تهـتـان

وجــاءت حامـيـه فيـهـا الحمـيـة=ثـورة الغضـب مـن وجههـا تـبـان
تجادلهـم وهــي بـصـورة رزيــة=وترميهـم حمـم مـن فــوه بـركـان

وقـالـت لـيـه تحرمـنـي الشهـيـة=كـتـاب الـحـب مـالـه أي عـنـوان
إذا تـرفـض فــذا ســم المـنـيـه=أمامـك أنتحـر فـي كــوب فنـجـان

وقـالـوا بــس لا تكـونـي أذيـــه=نوافـق لـو يكـون للـشـرط قـبـلان
فقالـوا محرهـا مـأتـي ( ن ) وقـيـه=ولا تنقـص وقيـه مـن كـف ميـزان

بتغمـز لـي وبتـقـول أنــت لـيـه=وافـق وكـل شـي يـاتـي وملـيـان
وقلـت ياعـم انــا نفـسـي سخـيـة=موافـق لـو تقولـوا هــات مـرجـان

انـا تـاجـر ومــن أســرة غنـيـه=وجـدي العيسائـي والـخـال بغـشـان
وعلـى الواقـع انــا يــدي خلـيـه=قريـب الـدار عايـش بـيـن قــردان

بـأرض الـجـان مجـهـول الهـويـة=مثيـل اصحابنـا ذي هــم بجـيـزان
فجـابـت مهـرهـا قـبـل الضحـيـة=ذهـب خالـص لـه أشكـالا وألــوان

وزنتـه حـسـب شــرط الابجـديـة=وقلـت أوفيـت لـك يـاعـم مـهـران
وبـارك لــي وقــدم لــي هـديـه=مـن الزحـمـة بنتـشـاور بــالاذان

زلــت البـنـت وأتعـنـه عـنـيـه=ومن صـان بنتنـا مـن الجـن يصتـان
فكـن وافـي تــرى بنـتـي وفــي=وعامـلـهـا بحـنـيـة وأحــســان

تـراهـا مسلـمـه حـلـوه ذكـيــه=إذا أسعـدتـهـا رابـــح وكـسـبـان
وإذا جـــاءت مـنــك مشتـكـيـه=فجـهـز حـفـرة الجـثـة والاكـفـان

وباتغـديـك غــداء وجـبـه هنـيـة=وباكسـر عظـامـك بـيـن الاسـنـان
وإذا كـانـت مـعـك بنـتـي شقـيـه=إرسل لـي رسالـة علـى هـذا العنـوان

وطلمـس لـي بالـحـروف الابجـديـة=وحـرق لـي شعرهـا فـوق نـيـران
وأنــا باجـيـك بحبـالـي الطـويـة=تربطهـا وانــا أجلـدهـا بعصـيـان

وقلـت بنتـك مـاهـي شــي غبـيـه=ذكاهـا خيـر مـن عشـريـن أنـسـان
وجـاء القـاضـي بيركيـنـا ركـيـه=ومن هـذا العـرس غاضـب وزعـلان

وقــال الانــس بيكـونـا كـويــه=ونحـن أعداهـم فـي طـول الازمــان
فهـل شـي مثلـهـا قـصـه رويــة=أفـيـدونـي بـأدلــة أو بـبـرهـان

وقلـت يـا قاضـي أسـال ذه البنـيـه=وماهـي خاسـرة ولا انــا بخـسـران
انـا راضـي وهـي فيـنـي رضـيـه=ومـا دخلـك لـو يكـون مــا كــان

تجمـعـنـا ديــانــه واحــديــه=ديــن الهاشـمـي حـفـد عـدنــان
فكنـتـم فــي زمــان الجاهـلـيـة=بتعيـشـوا مــع النـبـي سلـيـمـان

عقـد مـن بعـد مـا فــك الدعـيـة=ومـا صدقـت ان الوقـت قـد حــان
تـزوجـنـا زواجـــه واقـعـيــة=في تاريـح ( 11 ) مـن شهـر شعبـان

وســوو زفــة الحـنـاء عـشـيـة=أنـا تشيكـت وهـي لابـسـة فسـتـان
فــي أول زواجــه قــد جـريــه=وعيـون الجـن مـا صدقـت الاذهـان

وزفـونــا المـشـايـخ والـرعـيـه=وجـاء بـارك لنـا مسلـم وشيـطـان
وذبحنـا الغـنـم كــم مــن سقـيـه=مخلوطـه مــن المـاعـز والـظـان

بشـاش العروسـة كـم هــي زهـيـه=حمامـه فقسـت مـن بيـض غـربـان
وقلـت لهـا اسمعـي انـا نفسـي قسيـة=بـدون الملـح انـا مـاكـون شبـعـان

ثلاثـة أيــام انــا جـالـس هنـيـه=أريـد آوي انــا ضـابـح وطفـشـان
وعـودي بـي إلـى أرضـي الابـيـة=وحطـي بالمـعـلأ تـحـت شمـسـان

ولـكـن أحــذري مــن أي خطـيـه=وشلـي لـك مــن الـدكـان حـذيـان
وقالـت عــاد بـاقـي لــي سمـيـه=أودعــهـــا وبـانـتـحــرك الان

تجـهـزنـا وودعـنــا الـحـشـيـة=وبلحظـة وأن احنـا بـحـي ردفــان
شـعـرت بـالأمــن والطمأنيـنـيـة=كأنـي كنـت بيـن أربـعـة حيـطـان

تمشيـنـا أنـــا ويـــا الـولـيـة=ودرنـا فـي عـدن والشيـخ عثـمـان
وقـلـت اللـيـل بانـسـري سـويـة=على يافـع حجزنـا مـع الشيـخ ثعبـان

ومـريـنـا الـعـنـد والعسـكـريـة=وفـي وادي ضبـه مـرتـع الـغـزلان
مــن القـاهـر نـزلـنـا باطـنـيـة=جزعنـا جنـب بيـت الشيـخ جـبـران

وصاحـنـي ومسـتـغـرب عـلـيًـه=وقـال ذا الطالبـي نايـف يـا اخــوان
وركـــب مـخـزنـه بالبـنـدقـيـة=وقلـت أكيـد أبـو وضــاح غلـطـان

سمعـت الضـرب يـدوي بكـل قريـة=وحوالـي ميـه وراء الصالـون بـزران
تراحيـب رحبـوا بـك يــا زكـيـه=مانـا لــي ثـلاثـه أيــام هـربـان

وأمــي حـيـن شافتـنـي غـمـيـه=ودمـع الاهـل مثـل المـطـر شـنـان
قالـوا لـك سـنـه واكـثـر شـويـه=وسيـنـا بالجـرائـد عنـكـم أعــلان

يمـر الـيـوم مــع الـجـن البلـيـة=بأربعـة شهـور مـن عمـر الانـسـان
كذبـت وقـلـت هـربـت السعـوديـة=يـوم شابـع وخمسـه أيــام جيـعـان

وقالـوا قـل لنـا مــن ذه الصبـيـه=فقلـت لهـم زكـيـه بـنـت مـهـران
هــي مــن المملـكـة الاردنـيــة=ولكـن عايشـة فــي راس عجـمـان

تزوجـنـا فــي أرض الصالـحـيـة=حبتنـي وابوهـا عقـد لــي مـجـان
وقـالـوا قــص قـصـه واقـعـيـه=مـا ذا الا هــرى نسـمـع وبهـتـان

وقـالـت ذي ورقــة العـقـد بـيـه=فـهـذه الجنسـيـة وهــذا العـنـوان
بغمضـة عيـن حلـت لـي القضـيـة=سعيـد الحـظ مـن تـزوج مـن الجـان

ثـلاثـة أولاد جـابـت لــي وبنـيـه=وقـالـت نـادنـي يــا ام الصبـيـان
سـاعـة بتتغـلـب عـقـرب وحـيـه=وساعـة أولادهـا يتغلبـوا لـي حنشـان

مـن الطاقـة لمـت شمـس الضحـيـة=ولازالــت مـعـي ثـلاثـة عـيـدان
عـرفـت انــي برحـلـه خيـالـيـة=فقلت لا سامحك ياقات الاعتـــــــــان

اخوكم الدلعوس اليافعي

يسلمووو الله يعطيك العافيه وجديدك ان شاء الله وتقبل مروري المتواضع. أخوك سامي حلبوب

مشكوووور الدلعوس اليافعي

القصيدة جدا روعة وخيالية

والشاعر ابدع فيها
وخاصتا للخلط بين الانس والجن
وحوارات دارت في القصيدة بين الجن والانس

وايضا النهاية الرائعة للقصيدة

تسلم على القصيدة
منتظرين منك الكثير

» جدال النساء (قصيدة للشاعر نايف عاتق حلبوب)